اوعى تقول بلدنا وحشه .... قول بإدينا نغيرها
يوم 4 نوفمبر ... يوم عيد الحب المصرى
فكره مصريه خالصه للتعبير عن الحب
كل اتنين فى اليوم ده بيجيبوا ورد و دباديب لبعض
عايزين اليوم ده يكون يوم فى حب مصر
كل الشباب يعبروا عن حبهم لمصر
نخليهم يحبوا بلدهم... محدش يشتم فى البلد
اليوم ده ننشره بكل قوتنا
عايزين ننشر الفكره فى كل حته
على النت فى المدونات و المنتديات و المواقع الاخباريه
و فى الجامعه و على الحيطان و فى الشوارع و الحوارى
أوعى تقول بلدنا وحشه ... قول بإدينا نصلحها
عايزين اليوم ده نعبر عن حبنا لمصر بكل الوسائل
الموضوع منقول بالكامل من مدونة شباب 6 ابريل
لزيارة مدونة شباب 6 ابريل هتلاقيها في المواقع المفضله يسار الصفحه
الاحد, 05 اكتوبر, 2008
أضف تعليقا
اضيف في 05 اكتوبر, 2008 05:17 م , من قبل محمد أسامه
من مصر
من مصر
فعلا الفكره جميله يا أحمد
والبلد فعلا محتاجه يوم حب ليها زي ده
أعتقد ممكن نخلي أطفال مصر كلهم يشيلو
علم مصــر في اليوم ده ههههااا
ويارب الفكره تنتشر فعلااا
اضيف في 05 اكتوبر, 2008 08:10 م , من قبل hazel2eyes
من مصر
من مصر
شكرا يا فوده
شكرا يا محمد محمود
علي مروركم
وفكرتك جميله جدا يا محمد اسامه
انا بإذن الله هعملها في الكلية
اضيف في 07 اكتوبر, 2008 01:29 ص , من قبل romaalabassy
من مصر
من مصر
بجد هيا الفكرة جميلة وجديدة.
بس انا شايفة ان أحسن وأفيد حاجة ممكن نقدمها لبدنا
اننا ندعيلها بجد ومن قلبنا ان ربنا يصلح حالها.....
كمان حنا لو قدرنا نحسن معاملتنا مع بعض فى الشارع او على الاقل قدام الاجانب
هنجبرهم انهم يحترمونا.
جارى العزيز .
احيك على الفكرة ودى تانى حاجة _بعد الدعاء_ممكن اقدمها.
romaaa
اضيف في 19 اكتوبر, 2008 03:54 م , من قبل dody
من مصر
من مصر
شكراً على نقل الفكرة من مجموعة شباب 6 إبريل
ولكنى أعتب عليك نسبها لنفسك ومسح لوجو شباب 6 إبريل ووضع إسمك
ولكن مساهمتك فى نشر الحدث مشكورة أخى الكريم
http://www.facebook.com/event.php?eid=41667306412
http://www.facebook.com/group.php?gid=9973986703
ماتنساش تدعوا للحب فى يوم الحب ... حب مصر
اضيف في 19 اكتوبر, 2008 06:32 م , من قبل hazel2eyes
من مصر
من مصر
اكيد طبعا الفكره منقوله من شباب 6 ابريل
وهما اللي قالوا كده في المدونة بتاعتهم وعلي الفيس بوك
انا بس كنت متردد في نشر اللوجو
وكمان كنت متردد في الكلام اللي انا غيرته هما كانوا كاتبين تسقط الحكومه وحاجات كده فأنا مسحتها
اسف جدا واعوعدك انها مش هتتكرر وبإذن الله هجيب اللوجو بتاعهم
اضيف في 08 نوفمبر, 2008 11:16 ص , من قبل jasmina88
الله ياريتني دخلت من بدري وشاركت بالفكرة الحلوة الجنان دي
بس دا مش جديد ع حضرتك ياباش مهندس
كل مواضيع حضرتك لازم يكون فيها فكرة جنان
اضيف في 08 نوفمبر, 2008 09:45 م , من قبل hazel2eyes
من مصر
من مصر
شكرا ليكي يا ياسمينا بس دي مش فكرتي
دي فكرة شباب 6 ابريل
أضف تعليقا
<<الصفحة الرئيسية
من مصر
والله فكره حلوه ياحمد ياريت الناس كلها تعمل كده ولفكره تنتشر بجد
متقولش مصر ادتنا ايه قول هندى لمصر ايه