فدخلنا المول ويا ريتنا ما دخلناه المهم اننا عدينا الكوبري وعلي الكورنيش برضه نفس النظام الهلس ده وقعدنا في ميدان التحرير شوية ودخلنا سينما لفيلم شبه منحرف بتاع رامز جلال ختمنا الليله بسيتي ستارز بس لفت نظري واحنا راحيين بقي ان كان فيه في الميكروباص ورا يجي 9 عيال صغيرين اه والله في كرسي واحد 9 عيال بيغنوا اغاني شعبيه وافراح زي ما يكون شاربين حشيش وكل عيل فيهم معاه ازازتين حاجه ساقعه فاضيين انت في سنه كام يا حبيبي اليوم التالت بقي كان يوم جميل خرجنا ورحنا دا كان يوم السبت اللي فات اسيبكوا انتوا تعلقوا
اتقابلنا يوم العيد الصبح
ها يا جماعه هنروح فين في العيد
اتفقنا نروح القاهره من تاني يوم الصبح ونيجي الجمعه او السبت خصوصا ان صاحبنا اللي في جامعة القاهره ليه شقة في فيصل
طلعنا من كفر الشيخ بأتوبيس بتسعه جنيه بعد ما كان ب سبعه
ووصلنا عبود
وركبنا ورحنا الشقه
وبالليل قلنا ننزل بقي نروح اي مكان
فكان اول مكان جنب الشقه هو كايرو مول قلنا ندخله خصوصا لما شفنا الزحمه اللي قدامه قلنا زمانه كويس وجوه حاجات جميله خصوصا انه مش غالي اوي
المهم بقي انا حنا بره المول لقينا بنات وولاد كتير جدا جدا واقفين
اللي يعاكس واللي تعاكس واهو الكل مستمتع بوقته
لقنيا جوه يجي مش عارف العدد بالظبط بس من كتر الناس وخصوصا المراهقين السلالم الكهربائيه مكنتش شغاله
فطلعنا ولقينا بقي حاجات كده من بتاعت الافلام
عيال
عيال صغيره لسه في البيضه لابسين بنطلون ومسقطينه ومش بيعاكسوا البنات
لأن دا وقت محدش يعاكس بنات فيه اصلا
دول كلنوا بيعملوا حاجات تانيه
لمس ولوازمه بقي كلنا عارفين والبنات مستمتعه إلا اذا صادف ان بنت اتجرئت واتكلمت زي اللي اتكملت والعيال طاحوا فيها
والامن بتاع المول كان بيضرب بالعصيان العيال دي
طبعا احنا نزلنا بسرعه خصوصا اننا زعلنا من الوضع ده جدا جدا
حاجه كده زي المولد لو حد يعرف المولد يعني زحمة موت واللي عايز حاجه يعملها والزباله في كل مكان حاجه كده لاتليق خصوصا اني سمعت انه كان خرافه لما اتفتح من زمان
قلنا احنا نخلع وروح مكان تاني مش عايزين نبوظ الليله
يلا يا جماعه التحرير نتكرنش شوية ونشوف اي سينما وخلاص
اتفقنا ورحنا
عدينا كوبري 6 اكتوبر وما ادراك باللي علي الكوبري اسخم من المول
ويا عيني شفت اجانب ماشيين كانوا بيتف عليهم
برضه زحمة وتحرش وخناقات وضرب وحاجه زباله والفيلم كان ابوخ حاجه
عشان كده انا نمت في الاستراحه
والليله خلصت وسمعنا ان في شارع جامعة الدول قبضوا علي 150 واحد تحرش جماعي
وبكده اليوم خلص
يلا يا جماعه نروح الاهرامات
لا يلا نروح خان الخليلي او سيتي ستارز
اتفقنا نروح الاهرامات ونعدي علي خان الخليلي وفي الآخر سيتي ستارز
وصلنا الاهرامات وسألنا علي التذاكر قالولنا مفيش مصريين بيدخلوا
ازاي يعني هما الاجانب احسن مننا في ايه
لا يا سيدي محدش داخل انت عايز تجيبلنا اذيه ليه
كلام بيننا وبين الحارس
المهم فضلنا وافقين ونتمشي ونحاول ندخل من اي بابا تاني ب 20
فللأسف النهار ضاع علينا
قلنا نروح سيتي ستارو نتفرج طبعا عشان لو فكر اننا هنشتري ولا حاجه
دخلنا لقينا جوه عالم تاني
ولا كايرو مول ولا ولا حتي اي حته تانيه حاجه كده جميله بجد كنت اتمني ان مصر تبقي كده احنا والله مش وحشين
قال ايه يعني دول طبله
واغاني مسخره بقي والبنات اللي في الميكروباص انا كنت مكسوف ليهم سلف خصوصا اننا قلنا ليهم يسكتوا ولكن لا حياة لمن تنادي
في رابعه ابتدائي عندك مانع
آدي رد من ضمن الردود قلت كويس انه عبرني ورد عليا
صحينا علي 11 وقلنا لازم نروح الاهرامات بقي النهادره نجيبها من اول النهار
والحمد لله كان فيه مصريين بيدخلوا
دخلنا وكان الجو جميل والناس مبسوطه والسياح مبسوطين وكله تمام
روحنا عند الهرم التاني اللي هو خفرع
قلنا نقعد شوية في الضل
ويا ريتنا ما قعدنا
شفنا بقي حاجات جميله بجد واحد راكب جمل بيمشور السياح بيعطكيهم حاجه كده صغيره زي شيكولاته مثلا بالعافيه حاجه كده بالدراع المهم انهم انصح منه ومحدش بياخد
وشوفنا بقي شغلانه 3 في 1
عسكري بيحرس الهرم وبيرشد الاجانب وبيصورهم وطبعا بياخد فلوس علي التصوير انا قلت اصوره احسن
وبكده رحلتنا انتهت ورجعنا تالت يوم
ونرجع نقول ليه اللي حصل ده
شوية تساؤلات كده
ليه كايور مول كان كده شوية عيال مراهقين بيتحرشوا بالبنات؟
ليه عيال في رابعه ابتدائي بيقولوا كلام انا معرفوش والله واغاني هابطه؟
ليه الناس اللي اتمسكوا في شارع جامعة الدول؟
ليه المصريين مش عارفين يدخلوا الاهرامات وكانوا واقفين علي البوابه زي الشحاتين ؟
ليه العسكري بيشتغل 3 شغلانات ؟
ليه وليه وليه
الناس مش حاسه بامان عندنا
الناس كانوا بيغلسوا علي الاجانب
ليه كده
اقول انا
عشان الثقافه اللي بتتلقن للناس اللي هي ثقافة البلاهه
بتقول كده
كما تزرع تحصد
اهي السياحه بقت بتبوظ
ودي نتيجه كلنا عارفينها
عشان كده الاعلانات بدأت تيجي علي التيفزيون اعلانات عن السياحه والحفاظ عليها
الا انا عمري ما شفت اعلان في رمضان بيقول يلا نعتكف العشر الاواخر مثلا
اعلان بيقول اقرأ قرآن
لازم نصلح نفسنا يا جماعه
لازم نحب البلد ونحافظ عليها
أضف تعليقا
من مصر
أخي الكريم مقالك هادف لأنه يحاول أن يوجه النقد لسلبيات سلوكية في المجتمع ولكن لن تستطيع أن تغير تربية شعب لأن السلطة هي من ربت بتعليمها الفاشل وبإعلامها المزيف والمضلل وبأقلام مباعة في سوق النخاسة وبرجال أعمال أصبحوا هم القدوة والمثل الأعلى وهم يحتاجون إلى إعادة تربية فمنهم القتلة ومنهم المحتكرين للأسواق ومنهم من يساهم في أن نأكل كل فاسد المنظومة كلها هابطة فساد في فساد لذلك عليك قبل أن تصلح سلالم بيتك أن تعلم أنك لابد وأن تبدأ من السلالم العلوية حتى تصل لنهاية السلم من أسفل هكذا حال الفساد
سأقول لك تناقضا غريبا كان يتم في هذا البلد في الستينات وبداية السبعينات كانت النساء ترتدي ما يسمى بالميكروجب والمني جيب وعائلة جيب كلها وكانت رغم ذلك أخلاق المصريين أفضل بكثير من هذه الأيام لأن الظروف الاجتماعية والسياسية والاقتصادية كانت أفضل من الآن عليك أن تغير واقعنا السياسي والاجتماعي اولا
من مصر
رأيك تمام يا ديهي
يا رب تفضل متابعني علي طول
من مصر
استاذ خالد
دا تاني تعليق لحضرتك في مدونتي وانا اعتز جدا بأي كلمة تكتبها هنا
حضرتك قلت المفيد
اشكرك جدا
من مصر
عندك حق فى كل كلمة قولتها عندك كل الحق والله وبقى حالنا صعب اوى
بجد ازاى ممكن نكمل طول مالدنيا مافيهاش امان كده
مش قادرة اصدق ان ده يحصل كله فى مصر
مش هى دى مصر بلدنا
بس ان شاء الله ربنا يتولانا ويرحمنا عشان نقدر نواصل
بجد مصر محتاجانا احنا ولادها ناخد بايديها عشان ترجع مصرنا تانى
انا دايما عندى امل حتى فى اصعب الظروف
ضاقت ثم ضاقت ثم فرجت
بجد انا عجبنى جدا موضوعك بجد تسلم ايديك وشكرا على تجربتك الصغيرة دى بس بجد مفيدة جدا
ربنا يجازيك كل الخير
ممكن تقبل كلماتى المتواضعة دى
جنب موضوعك والله قليلة اوى
شكرا
أضف تعليقا
<<الصفحة الرئيسية
من مصر
المأساه اللي انت بتقول عليها دب مش ف القاهره وبي دي في كل شوارع مصر وفي الايام الزحمه
ده مش نقص تربيه من الاباء
لكنه حاجه كده زي الموجه بتشيل كل اللي قدامها فيديو كليب اتفرجت عليه مانت المغنيه عامله بمقوله خير القماش ماقل نزلت الشارع لقيت بنت شبهها وماشيه بنفس الحكمه
طب ليه عيني ما تروحش ناحيتها
وايه امانع لو حد ماقاليش اللي انت بتعمله ده غلط اتكلم
او حتى ايدي تطول
لو عاوز تبعد عن الموضوع ده حل واحد بس انك تبعد تبعد وبس