وللأسف باباك مسكن واحد معاكوا في البيت وبيدفع فلوس تمن القعده

المهم ان الراجل ده حشري اوي وبيتدخل في اللي مالهوش فيه

يوم من الايام وانت قاعد بتذاكر في اوضتك بالليل

دخل عليك الراجل ده وقالك: قوم....مش عايزك تذاكر

هتعمل حاجه من اتنين

1..هتعمل زي ما هو عايز وتنفذ طلبه

2..هتسيبك منه وتقول عليه عبيط

لو نفذت طلبه يبقي هو عمل اللي هو عايزه

ولو قلت لأ يبقي هيعمل حاجه تانيه بس مش هيسيبك.

بعديها بفتره

جابلك شوية ناس يشربوا حشيش في الاوضه اللي انت قاعد بتذاكر فيها

فبالطبع انت هتعمل حاجه من تلاته

1..تشرب معاهم

2..تسيبك منهم وتفضل تذاكر

3..تسيبهم وتمشي تشوف اوضه تانيه

الاختيار الاول يبقي الراجل عمل اللي هو عايزه

الاختيار التاني مش حل لأنك هتتسطل برضه معاهم وبعد فتره هتبقي زي ما هو عايز

الاختيار التالت تسيبهم وتمشي تروح اوضه تانيه

هتلاقي برضه في كل الغرف ناس بيشربوا حشيش يعني من الآخر البيت كله تحت رحمة الراجل اه اللي محدش قادر عليه

هتعمل حاجه من اتنين

1..هتكبر دماغك وتخليك في البيت وتحاول تقعد في مكان كويس واكيد مش هتلاقي

2...هتسيب البيت وتروح تدور علي بيت تاني

الاختيار الاول يبقي الراجل عمل اللي هو عايزه

الاختيار التاني انك تشتري وطن اقصد تقعد في بيت تاني غير بيتك اللي اتربيت فيه وعرفت كل ركن من اركانه

وفي كل الحالات دي الراجل كسبان ما انت هجيت من البيت ودا برضه مكسب

مش مشكله تبقي تيجي كل فتره تطل علي البيت اللي كان فيه الحبايب علي رأي محمد فؤاد

بيتك

بيت ابوك

بيت جدك

بيت العائله

سبته وفرطت فيه

امال انت متمسك بإيه يا جدع

متمسك بإيه ما تقول

اغلي حاجه في حياتك كلها فرضت فيها يبقي انت فين من نفسك انت فين من ربنا اكيد مش لاقي نفسك ولا تعرف ربنا عشان تسيب بيتك للراجل ده ياخده

حقك سبته عشان انت خايف

يموت الجبان ألف موته اما الشجاع موته واحده

خليك شجاع خليك راجل اتحمل المسؤليه متسيبش بيتك لحد ياخده منك

ويا ريت علي الحشيش بس

اختك وامك سيبتهم للراجل يعمل اللي هو عايزه

فين رجولتك فين اخلاقك فين وفين وفين

بيتك امانه في رقبتك اوعي تسيبه لحد ياخده منك

اعمل حاجه تسيب بصمه لو مت الناس هتقول الراجل ده بطل مات وهو بيدافع عن بيته

لو روحت بيت تاني محدش هيلومك

ولو فضلت في البيت ساكت هتطولك المذله

ضربة الاخلاق اصعب من الصواريخ

شكرا