اعلانات جيران فاقت الحدود - مـــــــاذا أصـــابك يا وطــن؟!

فعلا اصبح موقع جيران يستخف بنا نحن المدونين

اصبحنا كلنا ومدوناتنا ومواقعنا ماده اعلاميه للموقع الذي ما زلت احمل له شيئا تبقي من احترامي له

اول ما عملت المدونة بتاعتي لقيت اعلانات بتيجي بالورب من اعلي الصفحه لأسفها اعلان بيطير كده

قلت معلش مش مهم ممع اني كنت شايلها في نفسي يعني اصله بصراحه اعلان مش لذيذ وبيحمل الصفحه علي الفاضي وبيجي بطريقه مش لذيذه

دلوقتي بقي بيجيبوا اعلان تاني تحت الموضوع
بين الموضوع والتعليق
لا بجد عرفوا يختاروا المكان صح بجد

لا والله ده مش احترام لينا والله
احنا مش ماده اعلاميه ولا حاجه كده وخلاص تكسبوا من وراها وخلاص
احنا اخترنا الموقع ده عشان حسينا انه كويس وبيقدم لينا حاجات كويسه

للأسف اصبح لا يهتم إلا بالربح فقط

والاستاذه احلام اصبحت مش بترد علي رسايل الاستعلامات اللي ببعتها ليها بعد ما كانت بترد علي طول
انا سألتها يجي خمس مرات او اكتر عن ازاي اغير رأس المدونة واحط صورة من عندي بس للأسف لا حياة لمن تنادي

ردت مره اعتقد ومن غير ما تديني جواب مفيد خالص

انا بدأت احس اني علي الموقع ده مجرد آله عشان يكسبوا من ورانا وخلاص بدون الاهتمام بإحترامنا ولا اي حاجه

اتفرج علي موقع الفيس بوك مثلا
الاعلان بيجي في الجنب خالص من غير ما يعطلك خالصو لا يضايقك
وعلي موقع الياهو برضه بيجي في الكنب خالص لأ وايه انت ممكن تضغط علي السهم الصغير وبالتالي الاعلان يتشال

لأن دول ناس بيحترموا الناس اللي بيخدموهم وهو برضه موقع مجاني مش بفلوس يعني

انا زعلان من جيران علي الحركات دي
انا ليا مدونة تانيه علي البلوج سبوت بس مش بهتم بيها زي دي خالص بس شكلي بعد كده ههتم بيها لأنهم بيحترموني هناك

لا يا جيران لأ
ارجوكم مش كل حاجه اعلانات راعوا اننا برضه اهم من الاعلانات دي
وعمر الفلوس دي ما بتبني قاعده عريضه
الاحترام المتبادل اهم حاجه

ارجوكم النظر في الموضوع ده لأنه بجد مزعلني ومزعل ناس تانيه كتير

وارجو اللي يشوفه ويقتنع بيه يقول رأييه بصراحه