كيفية استخراج بطاقتك الانتخابيه - مـــــــاذا أصـــابك يا وطــن؟!

خليك ايجابي واستخرج البطاقه

يلا عايزيين نلحق نعمل حاجة بجد
ياعم دى بتتزور حتدور على ايه
لا ياسيدى لو كل واحد دور على حقه وجرى وراه مش حيقدر يزور
اه والله
شوف لما انتا تدور على حقك وتروح تاخده
ويا قاتل يا مقتول الليله ادى
ايه اللى حيحصل
ما انتا بسلبيتك وعدم مشاركتك دى بتجبرهم على انهم يزوروها
طيب ليه تسيب حقك ده
لما انتا بجد تبحث عنه
وتدور عليه وعلى باقى حقوق الناس لانه تخصك برضة يعنى واحد متوفى وانتا عارف انه ليه صوت من حقك تروح القسم والمكان المخصص لكده وتقول
وماتسيبش حقك يروح هدر
ماتسيبش حقك الأنتخابى
لا تكتم الشهادة وكن ايجابي
” و لا تكتموا الشهادة و من يكتمها فانه آثمٌ قلبه ” صدق الله العظيم
أيها المواطن : لا تفرط فى حقك الشرعى والدستورى
سارع بقيد نفسك بالجداول الإنتخابية و إستخراج بطاقة الإنتخاب من أقرب قسم شرطة لمحل سكنك أو عملك
يومياً خلال شهر نوفمبر وديسمبر وحتى 31 يناير 2009
من التاسعة صباحاً و حتى الثانية ظهراً و من الثامنة مساءاً و حتى العاشرة مساءاً
## الأوراق المطلوبة : صورة بطاقة الرقم القومى
الكثير منا لا يهتم بقيد اسمه لفقدانه للثقة في العملية الانتخابية وهذا صحيح نعم ...... ولكننا يجب أن لا نستسلم لهذا الواقع المر فتزوير إرادتنا يبدأ بإحجامنا عن ممارسة حقنا الانتخابي والذي يبدأ بالقيد في الجداول الانتخابية
لذا يجب عليك أخي أن تكون إيجابيا

=========================

كيفية استخراج البطاقة الانتخابية

=========================

1- توجه إلى القسم التابع له وفقا لبطاقة الرقم القومى أذا كنت قد تجاوزت 18 عام
2- أذا كنت من مواليد 1982 او ما يليها فانت مقيد تلقائيا فى الجداول الانتخابية لكن أحتمال سقوط اسمك سهوا وارد
3- أذا كان اسمك غير مقيد بالسجلات الانتخابية قدم للموظف المختص صورة من بطاقة الرقم القومى
4- قم بتسجيل بياناتك فى استمارة القيد التى يعطيك أياها الموظف
5- سلمها للموظف نفسه و أساله عن ميعاد أستلام بطاقتك الأنتخابية

السياسة لم تعد وحش كاسر يدمر استقرارك ولم تعد تقتصر على رجال السياسة كلنا لازم نشارك ما حدث ويحدث فى مصر احنا احد اسبابه علشان مروحناش ننتخب ونقول نعم او لا - اوافق او لا اوفق - اؤيد او لا اؤيد متقولش وبعد ما اطلع بطاقة وانتخب اية اللى هيحصل انا وانت وهى وهو لو كلنا اختارنا اللى احنا شايفية اكيد هنقدر نتغير انت مش خايف على مستقبلك؟ مش خايف على مستقبل ابنك؟ مش خايف على بلدك والفساد اللى انتشر فيها؟ لازم يكون ليك دور علشان لا تكون ممن يشاركوا فى تدهور بلدنا.

لازم نخاطب الناس بطريقتهم الناس البسيطة اللى اكتر امنياتهم انهم يوفروا قوت يومهم هما دول اللى محتاجين نوعيهم اكتر من اى حد لان دول هما اكتر من اصيبواء جراء اعمال الفساد والنصب فى بلدنا ز والله المستعان

http://www.facebook.com/event.php?eid=45278211941
دا ايفينت الحدث

منقول من جروب شباب 6 ابريل علي الفيس بوك