هي دي مصر - مـــــــاذا أصـــابك يا وطــن؟!

هي دي مصر

1.رغيف العيش بالبطاقه

2.حوادث قطارات منذ اربع سنين راح ضحيتها500قتيل والاف المصابين

3.تسريب امتحانات الثانوية العمله اللي كل مصر بتعملها الف حساب

4.الوزارة بكل هيئاتها والقرية الذكية وكل الناس دي وفي الآخر يعملوا سي دي للنتيجه بايظ ...منتهي الاهمال بمشاعر كل المصريين

5.المواصلات في منطقتي زادت 30% مرة واحده وفي باقي الاماكن بيقطعوا المسافات علي كذا مشوار ومش عارف زادت كام بس اكيد برضه زينا او اكتر

5.البنزين زاد في يوم وليله7 جنيه (الصفيحه) كما يطلق عليها السائقون زادت من 15 جنيه إلا 22 جنيه ودا طبعا كلام عن العربيات الاجرة مش الملاكي اللي زاد اكتر من كده

6.انتشار القنوات الغنائية بكثرة وطبعا اللي عامل فيها مبيحبش يسمع اغاني جابوله قنوات الرياضه

عشان المحترم برضه يلاقي حاجه تلهي عقله عن التفكير في حال البلد

7.كل الاعلانات بتحث علي الهيافه ما عدا اعلانين للامانه كويسين بتوع خليك في الدائرة البيضا والتاني البركه بالشباب

8.نظام تعليمي فاشل بكل الاحوال يا اخواننا الطفل المصري اذكي طفل لحد 6 سنين النظام بتاعنا بيخليه غبي

9.تقليل الثانوي العامه لسنه واحده ودا طبعا في رأيي حاجه مش كويسه عشان الواحد اساسا بيتعلم السنتين دول وهما اللي بيفيدوه فما بالك انهما شالوا منهم سنه ولو طالوا يشيوا السنه التانيه كما هيشيلوها فبكده الطالب مش بيحصل إلا سنه واحده بس واهو كله تقليل وتسيب

10.اكتر نسبه حوادث في العالم علي الطرق باعتنا

11.تفشي الرشاوي والمحسوبيه

12.إلهاء الشباب عن حياتهم

13.انتشار الفواحش

14.استهتار الفلاحين بالزراعه والقعده امام الملعون اللي اسمه الدش

15.ازمة القمح اللي لو عملوا علي حلها والله كانت اتحلت

16.الخصخصه اللي في كل شيء علي رأي هاني رمزي في الفيلم وآهي مصر بتتباع والناس كلها بقي عندها لامبالاة

17.الاسعار نااااااااار وحدش يقول هي خارج مصر كده لانها مش غاليه بره مصر

الصراحه دا اللي قدرت اكتبه وانا بفكر في الموضع ده

الصراحه حاجه زفت وطبعا السلبيات كتييييييييير اوي

بس ممكن واحد يسأل سؤال ويقول

طب ليه مش بتتكلم عن الايجابيات؟