غلطتنا ولاّ غلطة أهلنا. - مـــــــاذا أصـــابك يا وطــن؟!

كلنا عارفين ان مصر طول عمرها في الحروب
طول عمرها مش مستريحه
من ايام زمان ولحد عهد السادات
وفي بداية ولاية مبارك مبقناش نحارب بقينا في امان وحماية من (الحروب)
انا اقصد الحروب الحسيه يعني دولة بتحارب دولة تانيه دبابات وطيارات وصواريخ

انما فيه حرب تانيه دخلنا فيها بقوة اوي اوي وهي حرب الافكار
وطبعا احنا دخلنا فيها مستهدفين يعني احنا مش بنحارب احنا بيطبق علينا الافكار والتطبيقات بتاعت الحروب الفكرية اللي انتشرت جدا بعد العولمه وانتشار وسائل الاعلام في كل مكان

بقت اخلاقنا بتروح وكلنا مستهدفين ومستكينين

بقول لوالدي في يوم من الايام

*انا مش راضي عن حال البلد
- ليه
* عشان مش حاسس انها بتتقدم دي بتتأخر اوي ومش زي ما انا بتمنالها
     انا عايز بلدي تكون احلي من كده وتتقدم
-وانت يعني اللي هتقدمها
* ليه لأ انا مش وحش انا عايز شوية اهتمام من الحكومة والدولة بالشباب والاطفال وهنبقي احسن ناس
- والله خليك في مذاكرتك وانت تفلح
* والله يا بابا انا مش حاسس اني بستفيد حاجه من المذاكره دي كلها حشو في حشو وانا بتخنق منها
-امال عايزني اعملك ايه يعني
* مش انت والدي ما تقولي اعمل ايه فيدني بخبرتك وقولي ايه العمل قولي ايه رأيك في البلد
- البلد حلوة ملكش دعوة بالسياسه وخليك في مذاكرتك عشان تعدي يا ابني وتسافر وتفارق من هنا
* ازاي يعني انا مش عايز اسافر انا عايز اعترض علي ده
- ملكش دعوة بحاجه خليك في نفسك

دل حوار اكيد كلينا بنسمعه من اهالينا
مش عايزننا ننضر بالتفكير في السياسه
لما تقول لوالدك حاجه يقولك ملكش دعوة بالحاجات دي
عشان خايف علينا
يعني فيه شر عايزنا نبعد عنه
يعني فيه شيطان ورا الشر ده
يعني لو ملناش دعوة بيه هيفضل علي راسنا ومش هيسيبنا
الجيل بتاعنا جيل الشباب لحد سن 30 او اكتر محدش فيه عاش حياة الحروب
محدش يعرف حمية الحرب والغيره علي البلد دي
الناس الكبيره هي اللي تعرف ومش عايزين ينقلوا االحساس ده لينا لحد ما الاحساس ده بدأ ينتهي من عندهم
واحنا يا حسره مش بنفكر في البلد الا بالتفاهه واللي علي لساننا
وانا مالي
الغلطه دي غلطة اهلنا ولا غلطتنا احنا عشان مش بندور

انا من رأيي انها غلطه مستهدفانا احنا الاتنين عشان نستكين

بس فيه حكمة بتقول
ان الفكره اخطر ما في الحياة
والفكره جت من زمان وهتنتشر وهننتصر علي الشيطان
ونقوله في وشه

يا شيطان ارحل عنا