مبروك لأيمن نور الافراج من السجن بعد ان قضي تقريبا 4 سنين
واول لما خرج جه علي برنامج العاشره مساءا بتاع مني الشاذلي
فاكرينها؟؟؟؟؟
كانت بتيجي زمان علي القناة التانيه في برنامج اسمه حوار صريح جدا ودا البرنامج السبب في شهرتها الكبيره دلوقتي
المهم يعني انها قابلت الدكتور ايمن نور النهارده وطبعا البرنامج ده تبع الحكومه زي ما احنا بنسمع واللي اكدلي ده شوية نقط
منها
انها كانت بتقاطعه في الكلام ودا كان واضح اوي
تاني حاجه انها كانت بتجرحه جدا وبتجيب سيرة السجن علي طول بطريقه بايخه
وكمان المهم بقي انها كانت بتقول انه يعني بيتعاون مع امريكا او بيستعين بيها ضدنا وعشان يبقي اقوي يعني
وطبعا الراجل ملوش فيهم وقال انهم هما اللي بيتضامنوا معاه لا اكتر ولا اقل
وان المصريين اللي هما الشعب فقد اللي يهموه
وهو مطلبش من حد يتدخل
وكمان سالته مين اللي كان بيسأل عليه في السجن
قالها طلعت السادات ونواب معارضه وطبعا الانسه مش عايزاها يقول كده
سألته عن نواب الحزب الوطني
من الآخر يعني عايزاه يشكر في الوطني وكده يعني
المهم يعني يا جماعه انا عايزكوا ما تهتموش بالهوامش والسطحيه ولازم نفكر للي جوه الموضوع
افتكر يوم ما كانت بتكلم احمد عز في ايام الذروة لأزمة الحديد
وقارنت بين الطرقيتين وملقتش وجه مقارنه اساسا لانها كانت بتكلم احمد عز بكل خوف وكان باين عليها مش عارفه تنطق اصلا وكانت مدياله مساحه كبيره اوي انه يتكلم
في الآخر دي برامج كلها تبعهم ولازم نحذر منهم
الخميس, 19 فبراير, 2009
أضف تعليقا
أضف تعليقا
<<الصفحة الرئيسية
